Dagsetning Tilvísun
9. ágúst 1993 513/93
Virðisaukaskattur af útgáfu kynningarbæklinga
Vísað er til bréfs yðar, dags. 22. júní 1993, þar sem leitað er álits ríkisskattstjóra á því hvort útgáfa kynningarbæklinga fyrir ferðamenn beri 14% eða 24,5% virðisaukaskatt.
Að áliti ríkisskattstjóra er hvorki hægt að fella kynningarbæklinga yðar undir hugtökin tímarit eða bók, en skv. 5. og 6. tl. 2. mgr. 14. gr. laga nr. 50/1988, um virðisauka-skatt, ber sala bóka á íslenskri tungu, tímarita o.fl. 14% virðisaukaskatt.
Fyrrgreindir bæklingar bera því 24,5% virðisaukaskatt, en m.a. fellur ýmislegt smáprent undir þá skattprósentu, svo sem auglýsinga- og kynningarbæklingar og aðrir slíkir bæklingar.
Virðingarfyllst,
f.h. ríkisskattstjóra
Bjarnfreður Ólafsson.