Dagsetning Tilvísun
13. september 1995 696/95
Virðisaukaskattur af þjónustu “ródara”
Vísað er til bréfs yðar dags. 6. september 1995, þar sem þér óskið eftir leiðbein-ingum ríkisskattstjóra um hvort þjónusta svokallaðra “ródara” við hljómsveitir falli undir virðisaukaskattsskylda starfsemi í skilningi 1. tl. 3. gr. laga nr. 50/1988.
Að mati ríkisskattstjóra taka engin undanþáguákvæði virðisaukaskattslaga til starfa “ródara” og teljast störf þeirra því falla undir virðisaukaskattsskylda starfsemi í skilningi 1. tl. 3.gr. virðisaukaskattslaga.
Virðingarfyllst,
f.h. ríkisskattstjóra,
Vala Valtýsdóttir