Dagsetning Tilvísun
26. júlí 1996 745/96
Virðisaukaskattur af tollkvóta
Vísað er til bréfs yðar, dags. 27.maí 1996, sem sent var fjármálaráðuneytinu og framsent ríkisskattstjóraembættinu, með bréfi dags. 6. júní 1996.
Í bréfi yðar er óskað skýringa á því, hvers vegna umbjóðanda yðar er ekki heimilt að greiða 14% virðisaukaskatt af tollkvóta, líkt og hann gerir af öðrum tolli.
Ekki ber að innheimta virðisaukaskatt vegna sölu á tollkvóta, þar sem um lögbundna starfsemi er að ræða sem ekki getur farið fram á vegum annarra aðila en landbúnaðarráðuneytisins og telst því ekki í samkeppni við atvinnufyrirtæki.
Lögbundin starfsemi opinberra aðila telst ekki vera rekin í samkeppni við atvinnufyrirtæki þegar öðrum aðilum er ekki heimilt að veita sambærilega þjónustu með sömu réttaráhrifum sbr. 1. tölul. 2. mgr. 6. gr. reglugerðar nr. 248/90, um virðisaukaskatt af skattskyldri starfsemi opinberra aðila.
Virðingarfyllst,
f.h. ríkisskattstjóra,
Jón H. Steingrímsson