Dagsetning Tilvísun
13. október 2000 960/00
Útleiga á kennslustofu – rekstur skóla og menntastofnana.
Ríkisskattstjóri hefur þann 27. september 2000 móttekið fyrirspurn yðar þar sem þér óskið eftir upplýsingum um það hvort tímabundin leiga á kennslustofu með kennslubúnaði til tölvukennslu sé virðisaukaskattsskyld.
Til svars við fyrirspurn yðar vill ríkisskattstjóri taka eftirfarandi fram:
Samkvæmt 3. tölulið 3. mgr. 2. gr. laga nr. 50/1988, um virðisaukaskatt, er rekstur skóla og menntastofnana undanþegin virðisaukaskatti. Í greinargerð frumvarps til virðisaukaskattslaga segir að til reksturs skóla og menntastofnana teljist öll venjulega skóla- og háskólakennsla, fagleg menntun, endurmenntun og önnur kennslu- og menntastarfsemi.
Undanþágur frá virðisaukaskattsskyldu ber að skýra þröngt og er það mat ríkisskattstjóra að leiga á kennslustofu geti ekki fallið undir undanþáguna enda verður ekki talið að í umræddri aðstöðuleigu felist rekstur á skóla- eða menntastofnun.
Virðingarfyllst
f. h. ríkisskattstjóra
Guðlaug M Valdemarsdóttir
Ingibjörg Ingvadóttir