Dagsetning Tilvísun
27. sep. 1990 134/90
Virðisaukaskattur af starfsemi Þjóðleikhússins.
Ríkisskattstjóri hefur móttekið bréf yðar, dags. 22. janúar 1990. Í bréfinu er starfsemi Þjóðleikhússins lýst og óskað upplýsinga um hvaða þættir hennar teljist skattskyldir samkvæmt lögum um virðisaukaskatt.
Miðað við þær upplýsingar sem fram koma í bréfinu virðast eftirtaldir þættir starfseminnar skattskyldir:
– Sælgætissala.
– Starfsemi Leikhúskjallarans (veitingasala og aðgangseyrir).
– Mötuneyti (fæði selt starfsmönnum).
– Lausafjárleiga, þ.e. leiga leikmuna og búninga.
Undanþegnir þættir eru:
– Leiksýningar, þ.e. sala aðgöngumiða, sbr. 4. tölul. 3. mgr. 2. gr. vskl. Sama gildir að áliti ríkisskattstjóra um sölu á leikskrám, sem seldar eru gestum á kostnaðarverði, en samkvæmt bréfi yðar er sala auglýsinga í leikskrár ekki á vegum hússins.
– Starfsemi bókasafns, sbr. sama lagaákvæði.
– Starfsemi Listdansskólans, sbr. 3. tölul. 3. mgr. 2. gr. vskl.
– Húsaleigutekjur, sbr. 8. tölul. 3. mgr. 2. gr. vskl.
Virðingarfyllst,
f.h. ríkisskattstjóra
Ólafur Ólafsson.