Dagsetning Tilvísun
20. des. 1990 183/90
Virðisaukaskattur – hreingerningar.
Vísað er til bréfs yðar, dags. 9. október sl., þar sem óskað er álits ríkisskattstjóra á því hvort hreingerningarmönnum beri að innheimta virðisaukaskatt.
Hreingerningar eru skattskyld starfsemi, sbr. 2. gr. laga nr. 50/1988, um virðisaukaskatt. Því ber ætíð að innheimta og skila virðisaukaskatti af hreingerningum sem stundaðar eru í atvinnuskyni.
Samkvæmt bráðabirgðalögum nr. 85/1990 skal endurgreiða eigendum íbúðarhúsnæðis virðisaukaskatt sem þeir hafa greitt af vinnu manna við viðhald þess. Nánari ákvæði um þessar endurgreiðslur er að finna í reglugerð nr. 449/1990, um endurgreiðslu virðisaukaskatts af vinnu manna við íbúðarhúsnæði. Samkvæmt 5. tölul. 4. gr. reglugerðarinnar er ekki endurgreiddur virðisaukaskattur af vinnu við ræstingu.
Virðingarfyllst,
f.h. ríkisskattstjóra,
Ólafur Ólafsson.
Hjál.. Reglugerð nr. 449/1990.