Dagsetning Tilvísun
30. mars 1993 466/1993
Aðgöngumiðar að sýningu hestaíþrótta
Með bréfi yðar, dags.14. mars 1993, er óskað eftir staðfestingu þess frá ríkisskattstjóra að aðgöngumiðasala á sýningu H daganna 2., 3. og 4. apríl 1993 verði með öllu undanþegin virðisaukaskatti.
Í bréfi yðar kemur fram að á sýningunni eru ýmis atriði er lúta að hestum og reiðmennsku. Ríkisskattstjóri fellst á að hér sé um íþróttasýningu að ræða.
Samkvæmt 5. tl. 3. mgr. 2. gr. laga um virðisaukaskatt nr. 50/1988 er m.a. aðgangseyrir að íþróttasýningum undanskilinn virðisaukaskatti.
Í bréfi yðar kemur einnig fram að veitingasala verði á sýningunni á vegum Í. R. Ríkisskattstjóri vill minna á að veitingasala er virðisaukaskattsskyld starfsemi.
Virðingarfyllst,
f.h. ríkisskattstjóra
Vala Valtýsdóttir.