Dagsetning Tilvísun
22. júní 1992 410/92
Virðisaukaskattur af fjáröflunarblaði.
Vísað er til bréfs yðar, dags. 22. maí sl., varðandi virðisaukaskatt af afmælisriti deildarinnar.
Í erindi yðar kemur fram að um sé að ræða sérstakt afmælisrit deildarinnar sem dreift verður í hús án endurgjalds. Fjármögnun ritsins verður með þeim hætti að fyrirtækjum og öðrum verður gefinn kostur á að auglýsa í blaðinu til að hafa upp í kostnað af útgáfu.
Til svars erindinu vísast til hjálagðra leiðbeininga ríkisskattstjóra um virðisaukaskatt af útgáfustarfsemi. Þar kemur fram (kafli 2.3, b-Iiður) að útgáfa félagasamtaka á auglýsingablöðum sem þau gefa út í fjáröflunarskyni sé skráningarskyld starfsemi, enda séu tekjur hærri en kostnaður við útgáfu og tekjur nemi a.m.k.183.000 kr. á ári (miðað við byggingarvísitölu 1. janúar 1992).
Ef um er að ræða skráningarskylda starfsemi samkvæmt framansögðu ber yður að innheimta og skila virðisaukaskatti af sölu auglýsinga, þ.m.t. styrktarlínum, í umrætt blað. Jafnframt fæst endurgreiddur (frádreginn) sá virðisaukaskattur sem deildin greiðir vegna prentunar og annars beins útgáfukostnaðar við blaðið.
Virðingarfyllst,
f.h. ríkisskattstjóra,
Ólafur Ólafsson.