Dagsetning Tilvísun
14. sept. 1993 532/93
Virðisaukaskattur af útgáfustarfsemi
Vísað er til bréfs yðar dags. 23. ágúst 1993 þar sem óskað er álits ríkisskattstjóra á því hvort fagtímarit er H og F hyggjast gefa út sé skráningarskylt samkvæmt lögum um virðisaukaskatt og ef svo er þá hve há skattprósentan skuli vera.
Um útgáfu þessa segir í bréfi yðar:
- Stefnt er að því að útgáfa blaðsins sandi undir sér með sölu auglýsinga og áskrift.
- Fullgilt íslenskt hjúkrunarleyfi er skilyrði fyrir inngöngu í félögin sem að útgáfunni standa. Félagsaðild felur í sér áskrift af blaðinu sem félagar greiða ekki sértaklega fyrir.
- Einstaklingar, stofnanir og félagsamtök geta gert áskrifendur að blaðinu.
Til svars bréfi yðar skal tekið fram.að útgáfa bóka, tímarita,..dagblaða, landsmálablaða og annarra rita er skráningarskyld starfsemi ef útgáfan er talin vera í atvinnustarfsemi.: Þó er starfsemi ekki skráningarskyld ef samanlagðar tekjur útgefanda af sölu skattskyldrar vöru og þjónustu, þ.m.t. tekjur af auglýsingum og sölu rits, eru lægri en 185.200 kr. á ári (miðað við byggingarvísitölu l. janúar 1993).
Útgáfustarfsemi félagasamtaka, svo sem hagsmunasamtaka, íþróttafélaga, nemendafélaga og stjórnmálaflokka, má skipta i þrennt:
a. Varanleg og regluleg útgáfa. Sé útgáfa blaðs eða tímarits varanleg og regluleg yfir lengra tímabil fer um skráningarskyldu eins og áður segir. Útgefandi er þannig skráningarskyldur ef hagnaður er af útgáfunni, þ.e. þegar tekjur af sölu og auglýsingum eru almennt hærri en kostnaður við útgáfur, enda nemi tekjur a.m.k. 185.200 kr. á ári (miðað við byggingarvísitölu l. janúar 1993).
Ef sölutekjur og tekjur af auglýsingum eru lægri en útgáfukostnaður, sem keyptur er með virðisaukaskatti, er útgáfan ekki skráningarskyld. Þó þarf að taka tillit til aðstæðna í einstökum tilvikum, einkum þegar ritum er dreift til félagsmanna gegn greiðslu félagsgjalds, en án sérstaks endurgjalds að öðru leyti. Skráningarskylda er þá talin vera fyrir hendi þegar ljóst er að um markaðsvöru er að ræða. Útgáfustarfsemin er hins vegar undanþegin skráningarskyldu þegar tilgangur útgáfunar er fyrst og fremst að fullnægja innri þörf félagsins (fréttir af félagsstarfi o.s.frv.).
Við mat þess hvort tiltekin útgáfa sé „markaðsvara“ má hafa þessi atriði til viðmiðunar:
* Hafa atvinnufyrirtæki sambærilega útgáfustarfsemi með höndum – bæði hvað varðar efni og framsetningu efnis?
* Eru aðrir en félagsmenn einnig áskrifendur að ritinu eða – ef félagið er opið almenningi – er líklegt að menn gangi í félagið gagngert í því skyni að fá áskrift að ritinu?
* Er útgáfustarfsemin umfangsmikill þáttur í heildarstarfsemi félagsins?
Ef svara má þessum spurningum játandi bendir það til þess að útgefandi sé skráningarskyldur þótt tekjur af útgáfunni séu lægri en gjöld.
b. Útgáfa auglýsinga og fjáröflunarblaða er skráningarskyld starfsemi. Hér er átt við blöð sem gefin eru út í fjáröflunarskyni, hafa auglýsingar að meginefni og dreift er án endurgjalds út fyrir raðir félagsmanna.
c. Tilfallandi útgáfustarfsemi félagasamtaka, svo sem blaðaútgáfa stjórnmálaflokka fyrir kosningar, útgáfa afmælisrita eða skólablaða sem ekki falla undir a- eða b – lið telst ekki vera í atvinnuskyni í skilningi laga um virðisaukaskatt. Útgáfustarfsemi sem fellur í þennan flokk er því undanþegin skráningarskylduóháð afkomu.
Með hliðsjón af þeim upplýsingum er fram hafa komið í bréfi yðar virðist ríkisskattstjóra að útgáfustarfsemi yðar beri 14% virðisaukaskatt sbr. 5. tl. 14. gr. laga nr. 50/1988 virðisaukaskattslaga.
Virðingarfyllst,
f.h. ríkisskattstjóra,
Grétar Jónasson.