Dagsetning Tilvísun
12. júlí 1993 493/93
Virðisaukaskattur – notkun virðisaukabifreiðar
Vísað er til bréfs yðar, dags. 11. júlí 1993, þar sem óskað nánari skýringa ríkisskattstjóra á þeim reglum sem gilda um notkun virðisaukabifreiðar.
Fram kemur í bréfi yðar að U N hafi óskað eftir því að þér takið að yður akstur á áhöldum o.fl. til og frá mótsstað íþróttamóts og að bifreiðin verið notuð sem skrifstofuaðstaða á mótsstað meðan á íþróttamótinu stendur.
Sem svar við fyrirspurn yðar þá vill ríkisskattstjóri taka fram að sú sala sem um ræðir í bréfi yðar er virðisaukaskattsskyld. Ekkert er því til fyrirstöðu að þér seljið U þjónustu þá sem um ræðir í bréfi yðar og ber yður að innheimta virðisaukaskatt af sölunni.
Hjálagðar eru einnig leiðbeiningar ríkisskattstjóra um meðferð virðisaukaskatts af bifreiðum.
Virðingarfyllst,
f.h. ríkisskattstjóra,
Jón Þrándur Stefánsson.
Hjálagt: Leiðbeiningar um meðferð virðisaukaskatts af bifreiðum.