Dagsetning Tilvísun
28. ágúst 1995 693/95
Virðisaukaskattur – rannsóknir
Vísað er til bréfs yðar sem barst embættinu 2. júní 1995. Í bréfinu eru lagðar fram tvær spurningar varðandi virðisaukaskattsskyldu tilraunastöðvarinnar.
Í bréfi yðar segir m.a.um þessar tvær spurningar:
“Dýralæknum er í mörgum tilvikum skylt að senda sýni til rannsóknar að Tilraunastöð Háskóla Íslands í meinafræði að Keldum, t.d. ef grunur er um alvarlegan smitsjúkdóm í dýrum eða alvarlega sýklamengun og ef leita þarf fúkalyfjaleifa í sláturafurðum svo dæmi séu tekin. Þetta er liður í almennu sjúkdóma- og heilbrigðiseftirliti hins opinbera með búfé og búfjárafurðum.”
“Frá einangrunarstöð ríkisins í Hrísey eru send saursýni úr hundum og köttum sem fluttir eru til landsins. Er þetta liður í eftirliti með dýrunum á meðan þau eru í einangrun áður en þeim er sleppt inn í landið.”
Þessar rannsóknir flokkast undir lögbundið heilbrigðiseftirlit sem er þjónusta við almannahagsmuni og eru því undanþegnar virðisaukaskatti.
Virðingarfyllst,
f.h. ríkisskattstjóra,
Vala Valtýsdóttir