Dagsetning Tilvísun
12. júlí 1993 496/93
Virðisaukaskattur – virðisaukabifreiðar
Vísað er til bréfs yðar, dags. 17. febrúar 1993, þar sem óskað skýringa ríkisskattstjóra á þeim reglum sem gilda um meðferð innskattshæfra bifreiða þegar slík bifreið er tekin til einkanota þegar virðisaukaskattsskyldum rekstri er hætt.
Til svars bréfs yðar skal tekið fram að virðisaukaskattur leggst á sölu rekstrarfjármuna samkvæmt almennum reglum þegar um er að ræða sölu þeirra í tilefni þess að fyrirtæki hættir skattskyldri starfsemi. Ávallt ber því að útskatta sölu virðisaukabifreiðar, þ.m.t. þegar eigandi einstaklingsfyrirtækis tekur bifreið að öllu leyti til einkanota þrátt fyrir að ekki sé um eigendaskipti að ræða í þessu tilviki.
Nánari reglur um meðferð virðisaukabifreiða koma fram í hjálögðum leiðbeiningum ríkisskattstjóra um meðferð virðisaukaskatts af bifreiðum.
Beðist er velvirðingar á þeim drætti sem orðið hefur að svara fyrirspurn yðar.
Virðingarfyllst,
f.h. ríkisskattstjóra,
Jón Þrándur Stefánsson.
Hjálagt: Leiðbeiningar um meðferð virðisaukaskatts af bifreiðum.